Çin Xalq Respublikasının Ali Şurasının sədri Si Tzinpin Böyük Britaniyada rəsmi səfərdədir.

APA TV-nin verdiyi məlumata görə, Böyük Britaniyanın baş naziri Devid Kemeron ölkəsi ilə Çin arasında ümumi dəyəri milyardlarla avro dəyərində olan 150-dən artıq müqavilənin imzalanacağını bildirib.

Bu müqavilələr çərçivəsində Çinin enerji nəhəngi olan "China General Nuclear" şirkətinin Britaniyanın Somerset qraflığında Atom Enerji Stansiyasının tikintisinə 8 milyard avro vəsaitin ayrılması da nəzərdə tutulur. Birgə mətbuat konfransında jurnalistlərdən birinin "Nəyə görə söhbət iqtisadi səmərədən düşəndə, insan hüquqları məsələsi ikinci plana keçir?" sualına cavab verərkən, Devid Kemeron belə cavab verib:

"Çinlə söz azadlığı barəsində danışmaq yoxsa, iqtisadi inkişaf naminə biznes tərəfdaşlığı yaratmaq? Biz nəyə görə belə bir seçim qarşısında qalmalı, yalnız bir aspektlə kifayətlənməliyik? Mənim bu məsələdə fikirlərim belədir: hər iki məsələyə önəm vermək lazımdır. Şəxsən mən özüm vəzifədə olduğum beş il ərzində buna tamamilə əmin oldum”.