Qərbin fikrincə, Rusiya hərbi sənaye kompleksinə dəstək verdiyi üçün ABŞ və Avropa İttifaqı Çinə qarşı əlavə tədbirlər görəcəklər.

Qaziler.az “RİA-Novosti”yə istinadla xəbər verir ki, bunu ABŞ dövlət katibi Antoni Blinken NATO üzvü olan ölkələrin xarici işlər rəhbərlərinin qeyri-rəsmi görüşündə deyib. O bildirib ki, ABŞ sanksiyalardan yayınmada və Rusiya hərbi-sənaye kompleksinə dəstək verən Çin strukturlarına qarşı artıq tədbirlər görüb.

“Biz artıq sanksiyalardan yayınma və Rusiya hərbi-sənaye kompleksinə dəstək verən Çin strukturlarına qarşı tədbirlər görmüşük. Digər şeylərlə yanaşı, indi bu və ya digər növ Çinin 100-dən çox strukturuna qarşı sanksiyalar tətbiq edilib. Lazım gələrsə, biz bunu davam etdirəcəyik”, - Amerika diplomatiyasının rəhbəri bildirib.

QAZİLER.AZ