İyulda keçiriləcək NATO toplantısında Ukraynaya dəstəyin gücləndirilməsi alyans liderlərinin müzakirə edəcəyi məsələlərdən biri olacaq.

Qaziler.az bildirir ki, bu barədə NATO-nun baş katibi Yens Stoltenberqə istinadən “The Guardian” nəşri məlumat yayıb.

Stoltenberqin sözlərinə görə, görüş zamanı alyansın təhlükəsizliyinə sərmayə yatırmaq, tərəfdaşlarla əlaqələri gücləndirmək, Ukraynaya dəstəyi gücləndirmək üçün addımlar atılacaq. 

O əlavə edib ki, Ukraynanın bu gün mübarizə apardığı çağırışlar getdikcə genişlənir və mürəkkəbləşir.

"Ölkənin qələbəsi Şimali Atlantika Alyansının güclü dəstəyindən asılıdır", - NATO baş katibi deyib.

Xüsusilə görüş zamanı Hind-Sakit okean regionunda NATO tərəfdaşları ilə əməkdaşlığın gücləndirilməsi məsələsi qaldırılacaq. Söhbət Avstraliya, Yeni Zelandiya, Yaponiya və başqalarından gedir.

QAZİLER.AZ