Almaniyanın xarici işlər naziri Annalena Berbok Rusiya prezidenti Vladimir Putinin Ukraynadakı münaqişənin sülh yolu ilə həlli ilə bağlı danışıqlardan imtina etdiyini bildirib.

Qaziler.az “Nyus.ru”ya istinadla bildirir ki, o, müvafiq bəyanatla Kiyevə səfəri zamanı çıxış edib. Onun sözlərinə görə, bunu Rusiya Federasiyasında başlayan nüvə təlimləri göstərir.

“Planetin yarısı hər gün sülhü təşviq etmək üçün çalışır. Amma bunun üçün həm də Rusiya prezidenti lazımdır, təəssüf ki, söhbətə tam hazır deyil”, - Berbok düşünüb.

Bundan əvvəl Rusiya prezidenti Vladimir Putin xatırladıb ki, Moskva heç vaxt Kiyevlə sülh danışıqlarından imtina etməyib. Onun sözlərinə görə, Qərb sülh yolu ilə nizamlanma üzrə təcili konfransa ehtiyac olduğunu bəyan edib, seçim İsveçrənin üzərinə düşüb, lakin bundan sonra məlum olub ki, onlar bunu Rusiya Federasiyasının iştirakı olmadan keçirmək qərarına gəliblər.

QAZİLER.AZ