Mayın 20-də helikopterin qəzaya uğraması nəticəsində İran prezidenti İbrahim Rəisi həlak olub.

Qaziler.az “Nyus.ru”ya istinadla xəbər verir ki, İran İslam Respublikası Rusiyanı Rəisinin dəfn mərasiminə dəvət etməyib.

Bu hadisə Moskva ilə Tehran arasındakı münasibətlərə təsir edəcəkmi?

Rusiya prezidentinin mətbuat katibi Dmitri Peskov bildirib ki, İran Rusiya rəsmilərini Rəisi ilə vidalaşmaq üçün dəvət etməyib. Onun dediyinə görə, bu ölkənin ənənələri dəfn mərasimində beynəlxalq iştirakı nəzərdə tutmur.

“Siz dəfn mərasimlərinin adət-ənənələrini bilirsiniz, onlar beynəlxalq nümayəndələrin iştirakı ilə belə mərasimləri nəzərdə tutmur, ona görə də bizim iranlı dostlarımızdan bu barədə heç bir məlumatımız yoxdur”, - Peskov jurnalistlərə deyib.

Kremlin sözçüsü həmçinin qeyd edib ki, İran prezidentin helikopterinin qəzaya uğramasının araşdırılmasında hələ də Rusiyadan kömək istəməyib.

QAZİLER.AZ