Rusiya Federasiyasının müvəqqəti işlər vəkili GPS siqnalının müdaxiləsi ilə bağlı vəziyyətə görə Estoniya Xarici İşlər Nazirliyinə çağırılıb.

Qaziler.az “Nyus.ru”ya istinadla xəbər verir ki, bu barədə departamentin saytında deyilir. Estoniya hökuməti iddia edir ki, Rusiya peyk naviqasiyasına müdaxilə edib və bununla da regionda hava nəqliyyatına ciddi ziyan vurub.

Rusiyanın peyk naviqasiyasına müdaxiləsi zaman keçdikcə artıb, çaşqınlığa səbəb olub və mülki aviasiyaya böyük təsir göstərib. Rusiya bu hərəkəti ilə Beynəlxalq Telekommunikasiya İttifaqının radiorabitə qaydalarını pozur, ona görə bu cür müdaxilənin yaradılması qadağandır və biz bu mesajı Rusiyanın müvəqqəti işlər vəkilinə də çatdırmışıq”, - Estoniya XİN-in bəyanatında deyilir.

Qeyd olunur ki, Estoniyanın xarici işlər naziri Marqus Çaxkna Avropa İttifaqı və NATO ölkələri ilə də GPS siqnalının müdaxiləsi ilə bağlı vəziyyəti müzakirə edib.

QAZİLER.AZ