Aİ liderlərinin Avropada müharibə ilə bağlı bəyanatları onların real niyyətlərini əks etdirir.

Qaziler.az xəbər verir ki, bunu Macarıstanın baş naziri Viktor Orban “Radio Kossuth”a  açıqlamasında deyib. Onun sözlərinə görə, Avropa İttifaqı odla oynayır və uçurumun kənarında tarazlıq qurur.

“Bunlar kommunikasiya qabarcıqları deyil, real siyasi niyyətlərin və düşüncələrin həyata keçirilməsidir. Avropa bu dəqiqə odla oynayır, biz müharibə və sülh sərhədində tarazlığı saxlayırıq”, - Orban bildirib.

Baş nazir qeyd edib ki, Macarıstan daha öncə acı bir təcrübə keçirib: “20-ci əsrdə ölkəni iki dəfə onun gələcəyini təyin edən dünya müharibələrinə cəlb etdi. Bunun nəticəsində respublika ərazilərinin bir hissəsini itirdi və iqtisadi böhran yaşadı”, -  deyə Orban bildirib. O, Budapeştin üçüncü dəfə belə bir şeyə sürüklənməsinə icazə verməyəcəyini vurğulayıb.

QAZİLER.AZ