Amerikalı iş adamı, milyarder İlon Mask Amerika bayrağını cırıb ona hörmətsizlik göstərən hər kəsin ABŞ-dan çıxarılmasını təklif edib.

Qaziler.az bildirir ki, bu barədə o, “X” sosial şəbəkəsində yazıb.

Paylaşımında Mask oxuculardan onun təklif etdiyi qanunla bağlı fikirlərini bildirmələrini xahiş edib: “Əgər kimsə ABŞ bayrağını cırıb başqa ölkənin bayrağı ilə əvəz edərsə, onlara həmin bayrağın dövlətinə pulsuz, lakin məcburi birtərəfli bilet verilməlidir”.

Bu sözləri yazmasına səbəb ABŞ-da baş verən çoxsaylı Fələstin tərəfdarı nümayişləri zamanı ABŞ bayrağının sökülərək Fələstin bayrağı ilə əvəzlənməsi halları olub.

Qeyd edək ki, ABŞ-da 10 gün ərzində bu cür mitinqlərdə 1000-ə yaxın insanın saxlandığı bildirildi. Nümayişlər universitetlərin kampuslarında keçirilib.

QAZİLER.AZ