Amerika Birləşmiş Ştatları Ukraynaya bacardığı qədər ATACMS raketləri verəcək.
RBC-Ukrayna xəbər verir ki, bunu Pentaqonun rəhbəri Lloyd Ostin ABŞ Konqresinin Nümayəndələr Palatasının Silahlı Qüvvələr Komitəsində keçirilən dinləmələrdə sualları cavablandırarkən deyib.
Ostindən ABŞ-ın bu yaxınlarda qəbul edilmiş 60 milyard dollarlıq yardım paketindən kənarda ATACMS uzunmənzilli raketlərin əlavə tədarükü ilə bağlı soruşublar.
“Birləşmiş Ştatlar bacardığı qədər imkanlar təqdim edəcək”, - Ostin bildirib.
O, həmçinin əlavə edib ki, Ukrayna artıq ATACMS alıb.
QAZİLER.AZ
