Fransalı aktyor Jerar Depardye təcavüzlə bağlı cinayət işində təqsirli bilinərsə, onu 5 il həbs cəzası gözləyir.

Qaziler.az bildirir ki, bu barədə fransalı hüquqşünas Alen Duflo “İzvestiya”ya müsahibəsində bildirib.

“Bu cinayət beş il müddətinə azadlıqdan məhrumetmə və 75 min avroya qədər cərimə ilə cəzalandırılır, halbuki xüsusi hallar olduqda bu cərimənin ağırlaşdırıla biləcəyi göstərilir. Məsələn, silahdan istifadə olubsa və ya azyaşlıya tətbiq edilibsə”.

Vəkil qeyd edib ki, ittihamların yekun variantı məhkəməyə müraciət edənlərin iştirakı ilə Depardyeyə qarşı irəli sürüləcək.

"Və məhkəmə baş tuta bilər, lakin Fransada ədalət mühakiməsinin yavaşlığını nəzərə alsaq, əlbəttə ki, bir neçə ildən tez olmayacaq", - ekspert davam edib.

Xatırladaq ki, fransalı aktyor Jerar Depardye saxlanılıb.

Aktyor cinsi zorakılıqla bağlı istintaqda dindirilmək üçün Parisdə polis idarəsinə çağırılıb.

O, iki qadın tərəfindən cinsi təcavüzdə ittiham olunub. Dindirmə zamanı müzakirə olunan hadisələr 2014-cü ildə Jan-Pyer Mokinin “Sehrbaz və Siamlılar” (2014) və 2021-ci ildə Jan Bekkerin “Yaşıl Panjurlar” filminin çəkiliş meydançasında baş verib.

Jerar Depardye ittihamları rədd edib.

QAZİLER.AZ