Birləşmiş Ştatlar Yəmənin şimalına hakim olan husilərin bir pilotsuz gəmi və PUA-sını məhv edib.

Qaziler.az xəbər verir ki, bu haqda Amerika Silahlı Qüvvələrinin Mərkəzi Komandanlığı (CENTCOM) məlumat yayıb. 

Komandanlığın "X" sosial media saytındakı paylaşımında deyilir: “CENTCOM Yəmənin Husilərin nəzarətində olan ərazilərində bir pilotsuz suüstü gəmi və bir pilotsuz uçuş aparatını məhv edib”.

CENTCOM-un qeyd etdiyi kimi, aprelin 26-sı səhər saatlarında Yəməndən Ədən körfəzinə bir gəmi əleyhinə ballistik raket buraxılıb. CENTCOM raketin ABŞ, koalisiya və bölgədəki ticarət gəmiləri üçün dərhal təhlükə yaratdığını bildirib.

"Amerikanın koalisiya və ya ticarət gəmilərinə xəsarət yaxud ziyan dəyməsi ilə bağlı heç bir məlumat verilməyib", - komandanlıq əlavə edib.

QAZİLER.AZ