Moldova prezidenti Maya Sandu Rumıniya hökumətindən respublika ərazisinə qoşun yeritməyi xahiş edə bilər.

Qaziler.az “RİA Novosti”yə istinadla xəbər verir ki, bu sözləri moldovalı deputat, İntibah Partiyasının üzvü Vasili Bolya bildirib. Onun verdiyi məlumata görə, Rumıniyada yeni qanun layihəsinin irəliləyişini nəzərə alaraq, bu ssenari getdikcə reallaşır. Qanun xaricdə yaşayan Rumıniya vətəndaşlarını qorumaq üçün ölkə ordusundan istifadə etməyə icazə verir.

“Biz elə bir vəziyyətlə üzləşmişik ki, elə bir hal yarana bilər ki, qonşu dövlətin qoşunları da Rumıniya vətəndaşlığı olan prezidentimizin xahişi ilə ölkəmizin ərazisinə daxil olacaq”, – Bolya bildirib.

Rumıniyanın Milli Müdafiə Qanunu aprelin əvvəlində ictimai müzakirəyə çıxarılıb. Orada ölkə prezidentinin “milli ərazidən kənarda təhlükə altında olan” Rumıniya vətəndaşlarını qorumaq üçün zəruri tədbirlərin görülməsinə göstəriş verə biləcəyi bir bənd var.

QAZİLER.AZ