ABŞ sakini qadın pizza yemək istəyi sayəsində dollar milyonçusu olub.

Qaziler.az bildirir ki, bu barədə "Michigan Lottery Connect" xəbər verir.

Miçiqandan olan 41 yaşlı amerikalı qadın ərinin müntəzəm olaraq lotereya biletləri aldığını deyib. Bir gün qadın pizza almağa gedərkən ondan nümunə götürmək qərarına gəlib. Yolda o, ani olaraq lotereya bileti almağa qərar verir  və ondan qoruyucu təbəqəni siləndə, iki milyon dollarlıq cekpotu qazandığı bəlli olur.

Amerikalı qalib olduğunu biləndə çox təəccüblənib. “Çox həyəcanlı olduğum üçün ərimə zəng etdim ki, xəbəri ona çatdırım. Evə çatmağı gözləyə bilmədim”.

Qadın pul mükafatını birdəfəlik ödəmə şəklində almağa qərar verib. Vergilərdən sonra onun uduşu 1,3 milyon dollar təşkil edib.

Qalib lotoreyadan  hesabları ödəmək üçün istifadə edəcəyini və tətilə getməyi planlaşdırdığını söylədi.

QAZİLER.AZ