ABŞ-də bu təyyarəyə texniki tələblər həddən artıq qoyulub və onları həyata keçirə bilmədiyi üçün F-35 qırıcı proqramında texniki çətinliklər yaranır.

Qaziler.az bildirir ki, bunu Rusiyanın Əməkdar Hərbi Pilotu, general-mayor Vladimir Popov “NEWS.ru”ya deyib.

O, ABŞ Hesabatlılıq İdarəsinin F-35 proqramının dəyərinin 2 trilyon dolları keçdiyi, lakin təyyarənin hələ də təkmilləşdirməyə ehtiyacı olduğu barədə bəyanatını belə şərh edib.

“F-35-lərin yalnız 30%-i amerikalılar üçün döyüşə hazırdır, qalanları isə ya təmirdədir, ya da modifikasiyadan keçir. Onların üzərindəki gizli örtük qısamüddətli olduğundan daim dəyişir və ekipajın uçuş təhlükəsizliyini təmin edən oksigen sistemi dəyişdirilir. Bu təyyarənin bütün daxili komponentləri 10 ildən artıq istismarda olmasına baxmayaraq, lazımi qaydada sazlanmayıb”, - deyə Popov bildirib.

O qeyd edib ki, təyyarənin tətbiqi ilə bağlı problemlər uzun müddət gizlədilib, ona görə də o, dünyanın ən bahalı qırıcısı olub.

QAZİLER.AZ