Çexiya sonra Ukraynaya təhvil verilməsi üçün nəzərdə tutulan 180 min mərmi alınması üçün müqavilələr bağlayıb. Həmçinin 300 min döyüş sursatı ilə müqavilə bağlanması planlaşdırılır.

Qaziler.az RBC-Ukrayna-ya  istinadən xəbər verir ki, bu barədə Çexiyanın baş naziri Petr Fiala yazıb.

Onun sözlərinə görə, Ukraynada vəziyyət kritikdir. Səbəblərdən biri odur ki, ukraynalı müdafiəçilərin döyüş sursatı tükənir və bu səbəbdən onlar hər gün çətin qərarlar qəbul etməyə məcbur olurlar.

"Bu, onların cəbhə xəttində - bütün Avropanın təhlükəsizliyinin və gələcəyinin asılı olduğu xəttdə saxlanmasını son dərəcə çətinləşdirir", - Çexiya hökumətinin başçısı əlavə edib.

O, həmçinin qeyd edib ki, Çexiyanın Ukrayna üçün mərmi təşəbbüsü “aldadıcı sadəlik” sayəsində uğur qazanır.

“Biz daha 300 min mərmi əldə etmək üçün çalışırıq və artıq ilk 180 min mərmi üçün müqavilələr bağlamışıq ki, onlar yaxın aylarda Ukrayna cəbhəsinə çatdırılacaq”, - deyə Fiala bildirib.

Baş nazirin qeyd etdiyi kimi, ümumilikdə bu təşəbbüsə 20-yə yaxın ölkə qoşulub.

QAZİLER.AZ