Elektrikli avtomobillərə tələbin azalması və Çindən artan rəqabət səbəbindən “Tesla” dünya üzrə işçi qüvvəsinin 10%-ni ixtisar edəcək.

Qaziler.az bildirir ki, “The Telegraph”ın yazdığına görə, dünyanın ən böyük elektrik avtomobil istehsalçısı 14 minə yaxın iş yerini ixtisar edəcək. Şirkətdə ümumilikdə 140 minə yaxın işçi çalışır. Baş icraçı İlon Mask artıq işçilərə yazdığı daxili məktubda çətin qərarını açıqlayıb.

"Biz bütün dünyada bir neçə fabriklə bu illər ərzində sürətlə böyüdük. Belə sürətli böyümə ilə müəyyən sahələrdə rolların və iş funksiyalarının təkrarlanması baş verdi. Biz şirkəti böyümənin növbəti mərhələsinə hazırlayarkən, xərcləri azaltmaq və məhsuldarlığı artırmaq üçün şirkətin hər tərəfində bu səylərin bir hissəsi olaraq təşkilatı hərtərəfli nəzərdən keçirdik və bütün dünyada işçilərin sayını 10%-dən çox azaltmaq üçün çətin qərar verdik”, - deyə Musk məktubda bildirib.

İş adamı qeyd edib ki, ən nifrət etdiyi şey insanları işdən çıxarmaqdır, lakin bu, zəruri tədbirdir.

QAZİLER.AZ