Hollandiya Ukraynaya 20-dən çox F-16 qırıcısı təhvil verməyi planlaşdırır. İlk tədarüklər bu il başlamalıdır.

Qaziler.az “Ukrinform”a istinadən xəbər verir ki, bu barədə Hollandiyanın müdafiə naziri Kaysa Ollonqren bildirib.

"Ümumilikdə biz 24 F-16 qırıcısını təhvil verməyə hazırlaşırıq. Onlar hər şey hazır olan kimi Ukraynaya təhvil veriləcək. Bu məqam ukraynalı pilotların və texniki heyətin hazırlığından, o cümlədən, əlbəttə ki,  infrastrukturdan asılıdır”, - hollandiyalı naziri qeyd edib.

Onun sözlərinə görə, qırıcıların Ukrayna ordusuna təhvil verilməsi Danimarka, ABŞ, Ukrayna və digər ölkələrlə birgə səydir.

"Çətindir, mürəkkəbdir, amma baş verəcək. Bizim koalisiyamız ümid edir ki, biz bu yay F-16 qırıcılarını əvvəlcə Danimarkadan, sonra isə Niderlanddan tədarük etməyə başlaya biləcəyik", - Ollonqren əlavə edib.

Bundan əlavə, niderlandlı nazir baş nazir Mark Rutte ilə şəxsən ABŞ-dan Ukraynaya F-16 ilə kömək istəməsi barədə şayiələrə münasibət bildirib. "Deyək ki, biz bütün imkanları tərəfdaşlarımız və dostlarımızla müzakirə etdik. Fikrimcə, önəmli olan odur ki, biz ABŞ və Danimarka ilə birlikdə bu qərarı verə bildik. O vaxtdan bəri biz bunu təmin etmək üçün çox çalışmışıq”, - deyə o, yekunlaşdırıb.

QAZİLER.AZ