Honq Konq Səhiyyə Nazirliyinin Səhiyyə Mühafizəsi Mərkəzi insanların meymundan herpes virusuna ilk yoluxma hadisəsini qeydə alıb.

Qaziler.az bildirir ki, bu barədə aprelin 3-də yerli hökumətin mətbuat xidməti məlumat yayıb.

Hadisə fevralın sonunda Jinshan Ölkə Parkında vəhşi meymunun hücumuna məruz qalan 37 yaşlı kişi ilə bağlıdır. O, Yan Çay xəstəxanasına yerləşdirilib, vəziyyəti ağır olduğu üçün reanimasiya şöbəsində müalicə olunur. Xəstədən serebrospinal maye nümunəsi götürülüb, testdə virusun olması barədə nəticə müsbət çıxıb.

Honq Konq Sağlamlığın Mühafizə Mərkəzi qeyd edib ki, yoluxmuş şəxs qripə bənzər simptomlar göstərə bilər ki, bu da infeksiyanın mərkəzi sinir sisteminə keçməsi deməkdir. Lakin aydınlaşdırılır ki, virusun insandan insana keçməsi çox nadir hallarda baş verir. Sakinlərdən vəhşi meymunlardan uzaq durmaq, onların yaratdığı yaraları axar su ilə yumaq və dərhal həkimə müraciət etmək barədə çağırış edilib.

QAZİLER.AZ