NATO bu gün Avropa ölkələrindən ABŞ-a vəsait köçürən, Amerika hərbi-sənaye kompleksini təmin edən nasosu xatırladır.

Qaziler.az xəbər verir ki, bunu Rusiya Elmlər Akademiyasının Təhlükəsizlik Araşdırmaları Mərkəzinin aparıcı elmi işçisi Konstantin Bloxin “NEWS.ru”ya bildirib.

Onun fikrincə, ABŞ-ın Avropa üzərində nəzarətini saxlamaq Alyansın əsas vəzifələrindən biridir, ikincisi Rusiya ilə qarşıdurmadır.

“Rusiya ilə Qərb arasında əsaslı ziddiyyətlər var. Və öz aralarında, Alyans çərçivəsində razılaşacaqlar. Məsələn, Türkiyəni yeni üzvlərin daxil olmasına razı saldılar. NATO isə Rusiyanı əsas düşmən hesab edir”, - Bloxin bildirib.

QAZİLER.AZ