Meksika üzərindən ABŞ-a keçməyə çalışdıqları güman edilən 8 çinli qaçqın qayığın batması nəticəsində həyatını itirib. Bir nəfər sağ qalıb.

Qaziler.az xarici mətbuatına istinadən bildirir ki, Meksikanın Oaxaka ştatında sahildə 8 Çin vətəndaşının meyiti tapılıb. Səlahiyyətlilər qaçqınların qayıqlarının aşması nəticəsində həyatını itirdiyini açıqlayıb.

Qaçqınların martın 29-u cümə günü ABŞ-a çatmaq üçün istifadə etdikləri marşrutda ölü tapılan 7 nəfərin qadın, 1 nəfərin isə kişi olduğu bildirilir.

Meksika vətəndaşının idarə etdiyi qayıq bir gün əvvəl Qvatemala sərhədindəki Çiapas əyalətindən yola düşmüşdü.

BBC-nin məlumatına görə, batmış qayıqdan bir nəfər sağ qalıb, qayığı idarə edən şəxsin taleyi isə hələlik bəlli deyil.

Oaxaca Prokurorluğu qaçqınların cansız cəsədlərinin Playa Visente yaxınlığındakı sahil yaxınlığında tapıldığını açıqlayıb.

Prokurorluq bildirib ki, qəzanın səbəblərini araşdırır və həyatını itirənlərin kimliyini müəyyənləşdirmək üçün Çinin Meksikadakı səfirliyi ilə işləyirlər.

QAZİLER.AZ