2023-cü il üzrə Dünya Havanın Keyfiyyəti Hesabatına əsasən, ən çirkli ölkə Banqladeşdir.

Qaziler.az bildirir ki, bu barədə IQAir-dən bildirilib.

Bu il IQAir alimləri 134 ölkədə, regionda və ərazidə havada olan PM2.5 hissəcikləri haqqında məlumatları təhlil ediblər.

Buna əsasən, ən çox çirklənmiş ölkələr Banqladeş, Pakistan, Hindistan, Tacikistan və Burkina Faso olub.

ÜST-nin illik 5 µg/m3 PM2.5 hədəfinə çatan yeddi ölkə Avstraliya, Estoniya, Finlandiya, Qrenada, İslandiya, Mavrikiy və Yeni Zelandiyadır.

134 ölkə və regiondan cəmi 124-ü (92,5%) ÜST-nin PM2.5 üzrə təlimat dəyərini keçib.

PM2.5 ilə çirklənmiş havaya məruz qalma bir çox patoloji vəziyyətlərə səbəb olur və ağırlaşdırır. Bundan əlavə, böyük miqdarda incə hissəciklərə məruz qalma uşaqların zehni inkişafına təsir göstərə bilər, psixi sağlamlıq problemlərinə səbəb ola bilər və şəkərli diabet də daxil olmaqla xroniki xəstəlikləri çətinləşdirə bilər.

ÜST-nin məlumatına görə, havanın çirklənməsi hər il dünyada təxminən 7 milyon vaxtından əvvəl ölümə səbəb olur.

PM2.5 hissəcikləri insan sağlamlığı üçün birbaşa təhlükə yaradır, lakin onlar həm də Yerin iqlimi ilə bağlı mürəkkəb ekoloji proseslərə təsir göstərir.

QAZİLER.AZ