ABŞ sakini 3,7 kq ağırlığında kiçik ağızlı bas tutaraq İndiana ştatının rekordunu qırıb.

ABŞ-ın İndiana ştatı sakini  iri balıq tutaraq 1992-ci ildən bəri mövcud olan rekordu qırıb.

Qaziler.az bildirir ki, bu barədə "Reporter-Tayms" xəbər verir.

Reks Reminqton Monro gölündə balıq tutarkən yeni nailiyyət əldə edib. O, 3,7 kiloqram ağırlığında balıq tutmağı bacarıb. 32 il əvvəl ştatda tutulan kiçikağızlı balığın əvvəlki rekordu 3,3 kiloqram olub.

60 yaşlı Reminqton bütün həyatı boyu Monro gölündə balıq tutduğunu deyib. “Uşaq vaxtı gölə getdiyimi xatırlayıram. Anam və atam uzun illər balıq tutdular və mənim indi 60 yaşım var. Neçə vaxtdır ki, mən məqsədyönlü olaraq basları hədəfləyirəm? Təxminən 30-40 yaşlarından”, – deyə amerikalı bildirib.

O, rekord balığı tutduqdan sonra onu ölçmək üçün təcili olaraq supermarketə aparıb. Orada diri balıq sertifikatlı tərəzilərdə çəkilib və nailiyyət rəsmi qeydə alınıb. Reminqton daha sonra İndiana Təbii Sərvətlər Departamentinin əməkdaşlarının iştirakı ilə tutduğu balığı yenidən gölə buraxdı.

QAZİLER.AZ