Litva gömrükçüləri dünən Rusiya dövlət nömrə nişanlı ilk minik avtomobilini saxlayıblar. İndi o, Ukraynaya köçürülə bilər.
Bu barədə Qaziler.az “Delfi”yə istinadən məlumat yayıb.
Qeyd olunur ki, martın 11-də Litva gömrükçüləri Medininkayda Rusiya dövlət nömrə nişanlı ilk minik avtomobilini saxlayıblar. Moldova vətəndaşı avtomobili Litvadan Belarusa aparırmış. O, Avropa İttifaqının tətbiq etdiyi məhdudiyyətlər barədə heç nə bilmədiyini deyib.
Söhbət Rusiya nömrəli Audi Q7-dən gedir. Məlum olub ki, avtomobilin sahibi qadın Rusiya vətəndaşı olsa da, Moldova vətəndaşı maşında tək olub.
QAZİLER.AZ
