Amerikalı milyarder İlon Mask "Twitter" (X) sosial şəbəkəsindəki səhifəsində ABŞ prezidentliyinə namizədlərin heç birinə sponsorluq etmədiyini bildirib.

Qaziler.az bu barədə “Nyus.ru”ya istinadla xəbər verir.

Belə ki, iş adamı ABŞ-ın keçmiş prezidenti, respublikaçı Donald Trampın onunla görüşərək seçki kampaniyasının maliyyələşdirilməsini müzakirə etməsi ilə bağlı şayiələrə cavab verib. ABŞ seçkiləri 2024-cü ilin noyabrında keçiriləcək.

“Vəziyyəti aydınlaşdırmaq üçün: mən prezidentliyə namizədlərin heç birinə pul ianə etmirəm”, - deyə Mask bildirib.

Mask qarşıdan gələn seçkilərdə kimi dəstəklədiyi sualına dəqiq cavab verməyib. Bununla belə, o, ABŞ-ın hazırkı prezidenti Co Baydenə səs vermək niyyətində olmadığını qeyd edib.

QAZİLER.AZ