Estoniyada yaşayan Rusiya və Belarus vətəndaşlarının müvəqqəti olaraq yerli seçkilərdə səsvermə hüququndan məhrum edilməsini təklif edən qanun layihəsi parlament tərəfindən təsdiqlənəcək.

Qaziler.az xəbər verir ki, Estoniyanın baş naziri, İslahatlar Partiyasının sədri Kaya Kallas buna ümid etdiyini bildirir.

"Gəlin bunu bir daha koalisiyada müzakirə etməyə çalışaq. Əgər bunu Konstitusiyanın dəyişdirilməsi ilə etmək olarsa, o zaman bunu daha tez etməliyik", - deyə Kaya Kallas "Şimal sahili"nə verdiyi müsahibədə bildirib.

"İnanıram ki, bu müharibə davam etdiyi müddətdə bu səsvermə hüququ dayandırıla bilər. Putini seçə bilən, həmçinin Rusiyada səfərbərliyə məruz qalan insanlar burada yerli siyasi həyatı yönləndirə bilər. Bu, hazırkı vəziyyətdə heç də düzgün görünmür.  Biz istəyirik ki, insanlar eston dilini öyrənsinlər və Konstitusiyamızı bilsinlər.

Yanvarın əvvəlində Rus.ERR xəbər vermişdi ki, Rusiya və Belarus vətəndaşlarının səsvermə hüququndan məhrum edilməsi ilə bağlı müzakirələr dalana dirənib, çünki koalisiyadakı Sosial Demokratlar səsvermə hüquqlarının məhdudlaşdırılmasına qarşı çıxıblar.

QAZİLER.AZ