Argentina Milli Qaçqınlar Komissiyası Ukrayna tərəfindən axtarışda olan Rusiya vətəndaşı İqor Çurkinin sığınacaq istəməsi ilə bağlı sənədlərə baxacaq.

Qaziler.az TASS-a istinadla xəbər verir ki, bu barədə onun vəkili Kristian Rubilara  məlumat yayıb.

“O, artıq komissiyada olub və ona sığınacaq üçün ilkin sənəd verilib”, - vəkil bildirib.

Vəkilin sözlərinə görə, müvəkkili, bu kağızı alan şəxs artıq “qaçqın statusu”na malikdir.

"Müsahibə bir ay ərzində baş tutmalıdır", - Rubilar əlavə edib.

Yanvarın 30-da Argentina polisi Kiyevin tələbi ilə Çurkini saxlayıb. Ukrayna hüquq-mühafizə orqanları bildiriblər ki, rusiyalı guya Ukraynada aldatma yolu ilə dövlət bankı hesabına biznesini saxlamağa cəhd edib.

QAZİLER.AZ