Vaşinqton administrasiyası Rusiya ilə nüvə riskləri və nüvə silahlarına nəzarətlə bağlı substantiv müzakirəyə hazırdır.

Qaziler.az TASS-a istinadla xəbər verir ki, bunu ABŞ Dövlət Departamentinin sözçüsü Metyu Miller Rusiyanın xarici işlər naziri Sergey Lavrovun Moskvanın strateji sabitliklə bağlı Vaşinqtonla dialoqa açıq olduğu barədə bəyanatlarına cavab olaraq bildirib.

Dövlət Departamentinin nümayəndəsinin sözlərinə görə, nüvə silahı ilə bağlı məsələlər üzrə dialoq ikitərəfli gərginlik səbəbindən davam etməlidir.

“Biz dəfələrlə təkrar etmişik ki, Rusiya ilə nüvə riskləri və nüvə silahlarına nəzarətlə bağlı substantiv müzakirələrdə iştirak etməyə hazırıq”, - Metyu Miller deyib.

Bundan əvvəl Lavrov vurğulayıb ki, Rusiya Vaşinqtonun Böyük Britaniyada nüvə silahı yerləşdirmək planlarından xəbərdardır və Rusiya tərəfi artıq bu məsələni öyrənir. Məlumatlar təsdiqlənərsə, Moskva bu arsenalı ABŞ-la vahid arsenal kimi nəzərdən keçirəcək.

QAZİLER.AZ