Almaniyadan olan iki turist Google Maps xidmətindəki səhvə görə bir həftə ərzində Avstraliyanın şimalındakı cəngəllikdə azıb.

Qaziler.az bildirir ki, bu barədə fevralın 21-də yerli ABC Radio radiostansiyası məlumat yayıb.

Xəbərdə deyilir ki, GPS xətası səbəbindən onlar Kvinslendin ucqar şimalında vəhşi təbiətdə bir həftə sağ qalmaq uğrunda mübarizə aparıblar.

ABC Radiosunun məlumatına görə, turistlərin təxminən bir həftə ərzində qida ehtiyatı olub və onu bitirdikdən sonra Avstraliyanın məskunlaşan hissəsinə yol tapmağa qərar verdilər. Onlar yolu axtarmaq üçün drondan istifadə ediblər.

Turistlərin sözlərinə görə, onların heç bir əlaqə vasitəsi olmayıb və bu səbəbdən xilasetmə xidmətləri ilə əlaqə saxlaya bilməyiblər. Geri qayıdarkən bir neçə dəfə yerli faunanın sakinləri ilə, xüsusən də ilan və timsahla qarşılaşdılar. Onların səyahətinin 22 saat çəkdiyi və bu müddət ərzində 60 km yol qət etdikləri qeyd edilir.

Yerli polis radiostansiyaya bildirib ki, bu, regionda ilk dəfə deyil ki, Google Maps ilə bağlı problemlər yaşanır və bu, səyahətçilərin marşrutunu itirməsinə səbəb olur. Onlar əlavə ediblər ki, turistlər yaşlı və daha az hazırlıqlı olsaydılar, hər şey daha pis bitə bilərdi.

QAZİLER.AZ