Hindistanın Tamil Nadu ştatı və Puduçeri şirin pambıqda və bir sıra şirniyyatların tərkibində xərçəng əmələ gətirən kimyəvi maddələr aşkar edildiyi üçün satışını qadağan edib.

Qaziler.az bildirir ki, bu barədə “Livemint” məlumat yayıb.

“Mövcud məlumatlara görə, qidanın analiz laboratoriyası müxtəlif qənnadı məmulatlarında, eləcə də şirin pambıqlarda rodamin-b kimyəvi birləşməsini aşkar edib”, - nəşr yazır.

Rodamin-b boyası, xüsusən də tekstil sənayesində, tibbdə, mürəkkəb və kosmetika istehsalında istifadə olunur. Flüoresan xüsusiyyətlərini nümayiş etdirən bənövşəyi-qırmızı boyadır. ABŞ Milli Tibb Kitabxanasının qeyd etdiyi kimi, rodamin-b-nin uzun müddət ərzində qəbulu qaraciyər funksiyasının pozulmasına və ya xərçəngə, qısa müddət ərzində böyük miqdarda məruz qaldıqda isə kəskin zəhərlənməyə səbəb olur.

QAZİLER.AZ