ABŞ prezidenti Co Bayden administrasiyası Ukraynanı yeni, güclü, uzaqmənzilli ballistik raketlərlə təmin etməyə çalışır.

Qaziler.az bildirir ki, bu barədə  NBC News xəbər verir.

Keçən ilin sonlarında ABŞ Ukraynanı ATACMS kimi tanınan ordu taktiki raket sistemləri ilə təchiz etməyə başladı, lakin indiyə qədər yalnız köhnə orta mənzilli ATACMS-lər göndərilib. Bildirilib ki, ABŞ indi raketin daha uzun mənzilli versiyasını göndərməi planlaşdırır. Bu, Ukraynaya Rusiyanın nəzarətində olan Krım yarımadası daxilinə  zərbə endirməyə imkan verəcək.

Müdafiə rəsmiləri nəşrə bildiriblər ki, Birləşmiş Ştatlar məhdud miqdarda ATACMS ehtiyatına malikdir və çətin ki, Amerika anbarını doldurmaq üçün pul olmadan onları Ukraynaya göndərsin.

İki ABŞ rəsmisi bildirib ki, Konqres Ukrayna üçün artan maliyyələşdirməni təsdiqləsə, ABŞ ATACMS uzunmənzilli sistemlərini bu vəsaitlə ödənilən ilk hərbi yardım paketlərindən birinə daxil edə bilər.

Rəsmilər əlavə edib ki, ABŞ-ın maliyyə dəstəyi təsdiqlənərsə, dərhal Ukraynaya göndərilməyə hazır sursat və artilleriya var.

QAZİLER.AZ