İŞİD terror qruplaşması təşkilatın iki nömrəli liderinin İraqda öldürüldüyünü təsdiqləyib. APA TV-nin məlumatına görə, bu barədə “France Presse” agentliyi məlumat yayıb.

Qeyd edək ki, bu ilin avqustunda ABŞ Mosul yaxınlığında hava zərbəsi nəticəsində İŞİD qruplaşmasının iki nömrəli lideri hesab olunan Əbu Mutaz əl-Kuraşinin məhv edildiyini bəyan etmişdi.

“Amerika Əbu Mutaz əl-Kuraşinin ölümünə sevinir və bunu böyük qələbə kimi qələmə verir”, - deyə İŞİD-in ekstremist saytlarının birində dərc edilmiş bəyanatında bildirilir.

Ağ Ev o zaman verdiyi açıqlamasında terrorçunu Hacı Muutaz adı ilə tanınan Fadel Əhməd əl-Xəyali kimi təqdim etmişdi. Fadel Əhməd əl-Xəyali bir çox ad və ləqəblərlə tanınıb.