Voloqda meri Sergey Voropanov yerli Lenkom kinoteatrında Rusiya prezidenti Vladimir Putinin amerikalı jurnalist Taker Karlsonla müsahibəsinin nümayişini açıqlayıb.

Qaziler.az xəbər verir ki, bu barədə şəhər rəhbəri “VKontakte” sosial şəbəkəsindəki hesabında məlumat verib.

Rusiya prezidenti Vladimir Putinin amerikalı jurnalist Taker Karlsonla böyük müsahibəsini sabah Lenkom kinoteatrında böyük ekranda izləmək olar. Təbii ki, pulsuzdur”, – mer yazıb.

Voloqda rəhbəri əlavə edib ki, bir həftə əvvəl baş vermiş müsahibə bütün dünyada müzakirə olunmaqda davam edir, onu sosial şəbəkələrdə milyardlarla insan izləyib. Lakin merin sözlərinə görə, Voloqda sakinlərinin heç də hamısının internetdə ona baxmaq imkanı olmayıb. Buna görə də müsahibənin kinoteatrda  nümayişi təşkil olunur. Voropanov əlavə edib ki, sessiya fevralın 14-də saat 09:50-də başlayacaq.

QAZİLER.AZ