Hindistanın Uttarakhand əyalətinin Haldvani şəhərində mədrəsə və məscidin sökülməsi qərarından sonra baş verən şiddətli qarşıdurmalarda ölənlərin sayı 5 nəfərə çatıb.

QAZILER.AZ  AZƏRTAC-a istinadla xəbər verir ki, 2 gündür davam edən qarşıdurmalarda 150-dən çox yerli sakin yaralanıb, eyni zamanda, çoxlu sayda polis əməkdaşı xəsarət alıb.

Artıq bölgədə komendant saatı tətbiq olunub.

Qeyd edilir ki, gərginlik məhkəmənin məscid və mədrəsənin yerli icra hakimiyyətinin icazəsi olmadan dövlət torpağında inşa edildiyini əsas gətirərək sökülməsi barədə çıxartdığı qərardan sonra yaranıb. Söküntü üçün gedən səlahiyyətlilər və polis qərara reaksiya verən minlərlə etirazçı ilə qarşılaşıb.

Polisin real güllə və gözyaşardıcı qazla müdaxilə etdiyi hadisələrdə etirazçılar polisə molotof kokteyli və daş atıb, bəzi avtomobilləri də yandırıblar.