Şahzadə Harri ABŞ-dan Böyük Britaniyaya uçmaq və atası Kral III Çarlzı ziyarət etmək niyyətindədir.

Qaziler.az TASS-a istinadla xəbər verir ki, şahzadənin yaxın günlərdə doğma ölkəsinə dönəcəyi qeyd olunur. Eyni zamanda, o, atasına qoyulan diaqnozu müzakirə etmək üçün III Çarlz ilə telefon əlaqəsi saxlayıb.

Qeyd edək ki, fevralın 5-də Bukingem sarayının mətbuat xidməti həkimlərin krala xərçəng diaqnozu qoyduğu barədə məlumat yayıb. Monarxın prostat vəzinin xoşxassəli böyüməsi üçün aparılan prosedurlardan biri zamanı mütəxəssislər diqqətlərini başqa bir “narahatlıq” probleminə yönəldiblər. Testlər nəticəsində məlum olub ki, III Çarlz xərçəng xəstəliyinə tutulub.

Bukingem sarayının nümayəndələri kralın artıq müntəzəm müalicəyə başladığını vurğulayıblar. Lakin xəstəliyi səbəbindən kral ictimai vəzifələrini müvəqqəti olaraq təxirə salmalı olub.

QAZİLER.AZ