MDB-nin İcraiyyə Komitəsində əmək miqrantlarının və onların ailə üzvlərinin tibbi təminatı məsələləri müzakirə olunub

MDB-nin İcraiyyə Komitəsində əmək miqrantlarının və onların ailə üzvlərinin tibbi təminatı məsələləri müzakirə olunub backend

Müstəqil Dövlətlər Birliyinin (MDB) İcraiyyə Komitəsində “Daimi yaşadıqları dövlətin ərazisində bu müqaviləni bağlayan miqrant işçilərin və onların ailə üzvlərinin könüllü tibbi sığorta müqavilələrinin işə götürən dövlətin ərazisində tanınması mexanizminin yaradılması və tətbiqi məsələsinin öyrənilməsi” mövzusunda dəyirmi masa keçirilib.

QAZİLER.AZ  AZƏRTAC-a istinadla xəbər verir ki, dəyirmi masa iştirakçıları icbari və könüllü tibbi sığorta çərçivəsində əmək miqrantlarına və onların ailələrinə tibbi yardımın təşkili üzrə milli yanaşmalar barədə təcrübələrini bölüşüblər. Ekspertlər çıxışlarında sağlamlıqla bağlı problemlər yarandıqda işə düzəldən ölkədə əmək miqrantlarının qarşılaşdıqları problemli məsələlərə də diqqəti çəkiblər.

Tədbir çərçivəsində əmək miqrantlarına tibbi yardımın təşkilinin praktik icrası ilə bağlı geniş məsələlər üzrə bir sıra ideya və təkliflər səsləndirilib. Bununla bağlı Özbəkistan tərəfinə təqdim edilən məlumatı ümumiləşdirərək MDB-nin İcraiyyə Komitəsinə sonradan tamamlanması üçün müvafiq təkliflər verməsi bildirilib.

İcraiyyə Komitəsinin nümayəndələri, öz növbəsində, iştirakçıları məlumatlandırıblar ki, Birliyin platformasında əmək miqrantları üçün tibbi yardımın göstərilməsi məsələləri ayrıca qeyd olunmayıb. Bu, ödənişsiz əsasda təcili və təxirəsalınmaz tibbi yardımın göstərilməsini nəzərdə tutan beynəlxalq müqavilələrlə tənzimlənir.

Qeyd olunub ki, bu vəziyyət Müstəqil Dövlətlər Birliyinin üzvü olan ölkələrin əmək miqrantlarının və onların ailələrinin tibbi sığorta məsələlərində əməkdaşlığı haqqında saziş layihəsinin işlənib hazırlanmasına şərait yaradıb. Hazırda Özbəkistanın təşəbbüsü ilə “MDB-nin iştirakçı dövlətlərinin əmək miqrantlarının sənədlərinin qarşılıqlı tanınmasınını təmin edilməsi haqqında” model sazişi də işlənib hazırlanır.

Görüş iştirakçıları Müstəqil Dövlətlər Birliyinin normativ-hüquqi bazasının əmək miqrasiyası sahəsində təkmilləşdirilməsinin mühümlüyünü və aktuallığını vurğulayıblar.

 

 

loading...
Diaspora