Sərhəd rəsmiləri Texasda ABŞ-Meksika sərhədi boyunca maneələr qurublar.

Qaziler.az bildirir ki, bu barədə yanvarın 31-də “İzvestiya”nın jurnalisti Nikolay Masterov danışıb.

“Şelbi Park ərazisi dostlarla birlikdə şəhər tədbirlərinə, futbol oyunlarına və Texas barbeküsünə ev sahibliyi edirdi. İndi park Milli Qvardiya tərəfindən bloklanıb, Rio Qrande çayının yatağı boyunca yük konteynerləri quraşdırılıb və ülgüc məftilləri çəkilib”.

Texasda  48 km uzunluğunda hasar tikilib. ABŞ Gömrük Sərhəd Mühafizəsi də Meksika ilə sərhəddə iki dəmir yolu körpüsünün fəaliyyətini dayandırıb.

Yanvarın 12-də Texas Milli Qvardiyası qanunsuz miqrasiya ilə mübarizə məqsədilə Meksika ilə sərhədə tikanlı məftilli hasar çəkdikdən sonra sərhəddəki vəziyyət gərginləşib. ABŞ prezidenti Co Baydenin administrasiyası Ali Məhkəməyə müraciət etdikdən sonra sonuncu hasarın sökülməsini əmr edib, lakin Texas Milli Qvardiyaçıları federal patrulları sərhədə buraxmırlar.

QAZİLER.AZ