ABŞ-da naməlum şəxsin küçədə açdığı atəş nəticəsində iki nəfər ölüb.

APA-nın verdiyi məlumata görə, hadisə Konnektikut ştatının Hatford şəhərində baş verib.

Polis 2 nəfərin odlu silahdan açılan atəş nəticəsində öldürüldüyünü təsdiqləyib. Hadisənin digər təfərrüatları barədə məlumat verilmir.

Xatırladaq ki, oktyabrın 2-də Oreqon ştatının Rezberq şəhəri yaxınlığındakı kollecdə baş vermiş atışma nəticəsində 10 nəfər ölüb, 7 nəfər yaralanmışdı. Bundan sonra Florida ştatında baş vermiş atışma nəticəsində 4 nəfər, Merilend ştatında silahlı insident nəticəsində isə 1 nəfər ölmüş, 5 nəfər yaralanmışdı.