Estoniyanın "Milrem Robotics" şirkəti Birləşmiş Ərəb Əmirliklərinin ordusuna 60 döyüş robotu və pilotsuz yerüstü nəqliyyat platforması verəcək.
Qaziler.az bildirir ki, bu barədə “Defence News” “Edge Group” müdafiə konqlomeratına istinadən məlumat yayıb.
"Milrem Robotics" şirkəti ilə BƏƏ Müdafiə Nazirliyi arasında müqavilə Unmanned Systems Exhibition & Conference (UMEX) zamanı elan edilib. BƏƏ ordusu silah və kəşfiyyat avadanlığı olan maşınlar alacaq.
“Müqavilə 30 mm Mk44 topları olan tırtıllı robot döyüş maşınlarının, 30 mm M230LF topları ilə uzaqdan idarə olunan modullarla təchiz edilmiş THeMIS döyüş bölmələrinin və atəş aşkarlama imkanları da daxil olmaqla radar və kamera sistemləri olan THeMIS kəşfiyyat maşınlarının tədarükündən ibarətdir", - şirkətdən bildirilib.
QAZİLER.AZ
