Rusiya Dövlət Dumasının deputatı, hava hücumundan müdafiə məsələləri üzrə işçi qrupunun üzvü Yana Lantratova Ukrayna Silahlı Qüvvələri tərəfindən Belqorod vilayətində vurulan İl-76 təyyarəsinin ekipaj üzvlərinə ölümündən sonra mükafatların verilməsinə çağırıb.

Qaziler.az TASS-a istinadla xəbər verir ki, parlamentari belə bir təkliflə Rusiyanın müdafiə naziri Sergey Şoyquya müraciət edib.

Lantratova mətbuatda Ukrayna raketləri ilə vurulduqdan sonra İl-76 pilotlarının təyyarəni məskunlaşan ərazidən uzaqlaşdırdığına dair xəbərlərə diqqət çəkib. Deputat vurğulayıb ki, bu yolla pilotlar mülki şəxslər arasında itkilərin qarşısını almağa çalışıblar.

Rusiya Müdafiə Nazirliyi yanvarın 24-də səhər saatlarında Belqorod yaxınlığında qəzaya uğrayan İl-76 təyyarəsinin göyərtəsində dəyişdirilmək üçün 65 ukraynalı hərbi əsir, həmçinin altı ekipaj üzvü və üç onu müşayiət edən şəxsin olduğunu bildirib. Müdafiə Nazirliyi bildirib ki, təyyarə Ukrayna Silahlı Qüvvələrinin Xarkov vilayətindən atılan raketlərlə vurulub.

QAZİLER.AZ