Çuvaş hökuməti ərzaq mağazalarındakı boş rəfləri pis hava şəraiti ilə əlaqədar logistika problemlərinin olması ilə izah edib.

Qaziler.az bildirir ki, vəziyyəti respublika hökuməti başçısının müavini Dmitri Krasnov öz teleqram kanalında izah edib.

“Həqiqətən də, bir sıra pərakəndə satış məntəqələrində ərzaq təchizatında boşluqlar müşahidə edirik. Eyni zamanda, əsas məhsullar - süd, yumurta, çörək, toyuq, balıq, soyudulmuş və ya dondurulmuş məhsullar mövcuddur”, - deyə o yazıb.

Onun sözlərinə görə, qar yağması səbəbindən logistika ilə bağlı çətin vəziyyət yaranıb - Çuvaşiyada və qonşu regionlarda magistral yollar bağlanıb, yük maşınları tıxacda qalıb.

QAZİLER.AZ