Əgər Rusiya Ukraynada dayandırılmasa, təcavüzünü davam etdirə bilər. Ukraynadan sonra Baltikyanı ölkələr onun təcavüzünün qurbanı olacaq.

RBC-Ukrayna bu barədə Litvanın xarici işlər naziri Qabrielius Landsberqisin Aİ xarici işlər nazirlərinin Brüsseldə keçirilən görüşündən əvvəl verdiyi açıqlamaya istinadən xəbər verir.

Landsberqis hazırda Ukraynanın öz ərazisində Rusiya təcavüzünü cilovladığını vurğulayaraq, bu müharibədə uğur qazanacağına ümid etdiyini bildirib.

“Amma onlar (ukraynalılar - red.) bacarmasalar, onda siz Rusiyanı kimin cilovlayacağı sualına cavab verməyə hazır olmalısınız”, - litvalı nazir qeyd edib.

Onun sözlərinə görə, ilk təhlükə ilə Baltikyanı ölkələr üzləşə bilər.

"İndi biz müharibəni özümüzə yaxın hiss edirik, başa düşürük ki, Rusiya Ukraynada dayandırılmasa, öz təcavüzünü davam etdirə bilər, o zaman növbəti qurban Baltikyanı ölkələr olacaq. Və ümid edirəm ki, bu, dostlarımız və tərəfdaşlarımız üçün kifayət qədər siqnal ola bilər. Biz bunu ciddi qəbul etməliyik”, - Landsbergis deyib.

O əlavə edib ki, Rusiyanın Ukraynaya qarşı müharibəsi - “bizim varlığımız üçün müharibədir”.

"Buna görə də biz boynumuzda müharibənin soyuqluğunu hiss edirik", - deyə Litva Xarici İşlər Nazirliyinin rəhbəri bildirib.

QAZİLER.AZ