ABŞ Hərbi Hava Qüvvələrinin zabiti, 22 yaşlı Medison Marş “Miss America - 2024” müsabiqəsinin qalibi olub.
Qaziler.az bildirir ki, bu barədə CNN məlumat verib.
“ABŞ Hərbi Hava Qüvvələrinin 22 yaşlı leytenantı Medison Marş Florida ştatının Orlando şəhərində keçirilən “Miss America 2024” müsabiqəsinin qalibi olub”, - məlumatda deyilir.
Arkanzas ştatından olan 22 yaşlı qırıcı pilotu Medison Marş “Miss America 2024” tacını qazanan ilk ABŞ Hərbi Hava Qüvvələri zabiti oldu. O, bazar günü, yanvarın 14-də Floridada keçirilən gözəllik yarışmasında bütün digər iştirakçıları qabaqlamağı bacarıb.
Bu barədə “The New York Post” yazır.
"Həyatımın hər iki səhifəsini birləşdirmək heyrətamiz təcrübədir. Ümid edirəm ki, bu, başqalarına nümunə olacaq ki, özünüzü məhdudlaşdırmağa ehtiyac yoxdur" deyə Marş müsabiqədə iştirakını şərh edib.
Yeni "Miss America" hazırda Harvard Kennedi Məktəbində təhsil alır və burada dövlət siyasəti üzrə magistr dərəcəsi almağı planlaşdırır.
QAZİLER.AZ
