Tatarıstanın Ekologiya Nazirliyinin rəhbəri Aleksandr Şadrikov bildirib ki, Roshidrometin səhvi Volqanın rekord dərəcədə dayazlaşmasına səbəb ola bilər.

Qaziler.az “Gazeta.ru”ya istinadla bildirir ki, bu barədə “Axşam Kazan” qəzeti yazıb.

“Roshidromet bir az səhv etdi, suyun Kamadan gələcəyini söylədi. Onlar suyu buraxanda biz bu qərara qarşı çıxdıq, çünki biz Kamanı modelləşdirirdik. Bu il Uralda dağlarda qar az olub. Hətta Sviyağa da sahillərini aşmayıb və bu, bir göstəricidir. Ərimiş qar sadəcə olaraq yerə getdi, çünki yer qurudu”, - deyə nazir bildirib.

Onun sözlərinə görə, “Roshidromet” bunu proqnozlaşdırmayıb.

Bundan əvvəl Rusiya prezidenti Vladimir Putin etiraf etmişdi ki, həqiqətən də Volqanın dayazlaşması ilə bağlı problem var. Onun sözlərinə görə, ölkə hökuməti bunun üzərində işləyir və məsələni şansa buraxmayacaq.

QAZİLER.AZ