Ukraynadakı müharibə mövqeli və yorucu olacaq. Tərəflərdən biri tükənənə qədər davam edə bilər.

Qaziler.az bildirir ki, bu barədə  “Delfi”yə şərhində Litva prezidenti Gitanas Nauseda deyib.

"İndi biz status-kvoya qayıdacağıq, bu (müharibə - red.) yenidən mövqeli, bezdirici olacaq. Sonra hər iki tərəfin itkiləri hesablanacaq və nəhayət, gözləyəcəklər ki, ölkələrdən biri o həddə çatsın. o, daha müharibəni davam etdirə bilməsin”, - deyə o bildirib.

Eyni zamanda, Nauseda hesab edir ki, Rusiya təşəbbüsü ələ almağa çalışacaq və Ukrayna buna imkan daxilində müqavimət göstərəcək. Baxmayaraq ki, o əmindir ki, ruslar cəbhəni yarıb keçsələr, Ukrayna müharibədə uduzmayacaq.

"Rusiya təbii ki, öz xalqının fikrini nəzərə almadan resursları səfərbər edə, həm insanları səfərbər edə, həm də hər şeyi hərbi məqsədlərə yönəldə bilər. Başqa dövlətlərin imkanları daha məhduddur, sadəcə olaraq, demokratik cəmiyyətlərdir. Mən bir daha təkrar edirəm: “Biz Ukraynanın məğlubiyyətindən danışmırıq, Ukrayna üçün əlverişsiz olan müharibə ssenarisindən danışırıq”, - Litva Prezidenti vurğulayıb.

Nausedanın sözlərinə görə, Moskva guya danışıqlara hazır olduğunu nümayiş etdirə bilər, baxmayaraq ki, bunlar yalnız “taktiki hiylələr”dir.

Litva lideri vurğulayıb ki, Rusiya ilə danışıqlara nə vaxt başlayacağına yalnız Ukrayna qərar verəcək.

QAZİLER.AZ