Qazaxıstan Müdafiə Nazirliyi dünyada yaranmış vəziyyətlə əlaqədar xüsusi əməliyyat qüvvələrinin inkişaf etdirilməsi planlarını açıqlayıb.

Qaziler.az bildirir ki, bu barədə TASS-a Qazaxıstan müdafiə nazirinin müavini Sultan Kamaletdinov məlumat verib.

Onun sözlərinə görə, Qazaxıstan xüsusi təyinatlılarının imkanlarının artırılması planları prezident Kasım-Jomart Tokayevin tapşırıqlarının icrası ilə bağlıdır.

“Bununla əlaqədar olaraq, hərbi təhlükəsizliyə çağırış və təhdidlər, ölkənin müdafiə qabiliyyətinin gücləndirilməsi, o cümlədən xüsusi təyinatlı qüvvələrin, ərazi qoşunlarının inkişafı yolu ilə ordunun döyüş potensialının artırılması, hərbi təlim keçmiş ehtiyatların xüsusi çəkisinin artırılması ilə bağlı tədbirlərə aydınlıq gətirilib”, - Kamaletdinov bildirib.

Qazaxıstan Müdafiə Nazirliyinin rəis müavininin sözlərinə görə, Qazaxıstanın hərbi strateji istiqaməti müasir şəraitə uyğunlaşdırılmalıdır.

QAZİLER.AZ