ABŞ Senatının liderləri Ukraynaya yardımla bağlı bəyanat veriblər. Onlar hesab edirlər ki, 2023-cü ilin sonuna qədər maliyyə qəbul edilməyəcək.

Qaziler.az bildirir ki, bu barədə  Reuters agentliyi xəbər verir.

ABŞ Senatındakı Demokratik Çoxluq və Respublikaçı Azlığın liderləri Çak Şumer və Mitç Makkonnel birgə bəyanatla çıxış ediblər. Onlar bildiriblər ki, Demokratlar və Respublikaçılar sərhəd təhlükəsizliyi sazişində "həvəsləndirici irəliləyiş əldə edirlər".

Senatorlar qeyd edirlər ki, onlar sərhəd məsələlərini həll etmək və Ukrayna, İsrail və Tayvana yardımı maliyyələşdirmək üçün yollar axtaracaqlar.

"Senat bu milli təhlükəsizlik çağırışlarını cavabsız qoymayacaq. Tərəflər həll edilməmiş məsələləri müzakirə edərkən, ümid edirik ki, onların səyləri Senata yeni ilin əvvəlində milli təhlükəsizlik əlavəsi ilə bağlı çevik tədbirlər görməyə imkan verəcək", - birgə bəyanatda deyilir.

"Reuters"in sitat gətirdiyi Şumer dünən bildirib ki, müzakirədə iştirak edənlər və Ağ Ev razılaşma üzərində işləməyə davam edəcəklər.

"Danışıq aparanlar dekabr və yanvar tətili dövründə daha çox çalışacaqlar və məqsədimiz qayıdan kimi nəyəsə nail olmaqdır" - dedi Senatın demokrat lideri deyib.

ABŞ Konqresinin Nümayəndələr Palatasının respublikaçı üzvü Con Tun da yanvardan əvvəl razılığın əldə olunmayacağını bildirib.

QAZİLER.AZ