Norveç 335 milyon NOK (30 milyon dollar) dəyərində əlavə NASAMS hava hücumundan müdafiə sistemlərini Ukraynaya təhvil verəcək.

Qaziler.az bildirir ki, bu barədə RBC-Ukrayna Norveç hökumətinin saytına istinadən xəbər verir.

Qeyd edildiyi kimi, bəzi sistemlər Ukraynaya sürətli çatdırılmanı təmin etmək üçün ölkənin öz anbarlarından göndərilir, digərləri isə istehsalçılardan sifariş ediləcək.

"Havadan müdafiə sistemləri Ukrayna müdafiəsinin həlledici hissəsidir. Ukrayna hökuməti həmişə hava hücumundan müdafiəyə daha çox dəstək tələb edir və buna üstünlük verir", - Norveçin müdafiə naziri Byorn Arild Qramm vurğulayıb.

Bundan əlavə, Norveç Ukraynaya humanitar yardım üçün 273 milyon dollar ayırır, bura təhsil, tibb və pensiya daxildir.

Yardımın ümumi məbləği 1,8 milyard dollardır.

QAZİLER.AZ