“Afrika ölkələri BMT Təhlükəsizlik Şurasına daxil edilməlidir”.

Qaziler.az xəbər verir ki, bu barədə “kp.ru”ya Rusiya Xarici İşlər Nazirliyinin rəsmi nümayəndəsi Mariya Zaxarova məlumat verib.

O, Afrika ölkələrinin Təhlükəsizlik Şurasında olmamasının ədalətsizlik olduğunu vurğulayıb.

“Bununla bağlı nəsə etmək lazımdır və Rusiya bu barədə hər zaman danışır. Bu, indiki vəziyyət deyil, biz bu haqda on il əvvəl də danışmışıq. Biz Afrika gündəmini təkcə BMT-nin həll etməli olduğu problemli hekayə kimi fəal şəkildə təbliğ etməmişik”, - Zaxarova bildirib.

Onun sözlərinə görə, Rusiya tərəfi Afrika ölkələrinin gələcək islahatlarda iştirak edə bilməsi üçün Afrika gündəmini təbliğ etməyə çalışıb. O, həmçinin “afrikalıların səsinin” eşidiləcəyinə ümid etdiyini bildirib.

Qeyd edək ki, bu ilin avqust ayında Mariya Zaxarova Rusiyanın Afrikadakı mövcudluğunu maksimum dərəcədə artırmağı planlaşdırdığını bildirmişdi.  

QAZİLER.AZ