2023-cü ildə dünyanın ən zəngin ailəsi 305 milyard dollar sərvətlə BƏƏ-nin hakim sülaləsi Əl Nəhyanlar olub.

Qaziler.az xəbər verir ki, bu barədə “Bloomberg” məlumat yayıb.

Nəşr bildirir ki, ən varlı ailələr siyahısına “Walmart” mağazalar şəbəkəsinin təsisçiləri “Waltons” və “Hermes” lüks brendinin sahibləri Hermes ailəsi də daxildir.

Agentlik vurğulayır ki, “Walmart” şəbəkəsinin sahibləri və Qətərin hakim şeyxləri və əmirləri sülaləsi ilk dəfə reytinqə daxil edilib.

Qeyd olunur ki, ümumilikdə dünyanın 25 ən varlı ailəsi 2023-cü ildə 1,5 trilyon dollar əldə edib ki, bu da ən zəngin ailələrin ötən ilki sərvətindən 43% çoxdur.

Bundan əvvəl “SpaceX” şirkətinin baş direktoru və “X” (Tvitter) sosial şəbəkəsinin sahibi İlon Mask müvafiq reytinqdə birinci yeri tutmaqda davam edir. Lakin oktyabr ayında onun digər şirkəti olan Tesla-nın səhmləri 20% ucuzlaşıb. Nəticədə biznesmen 35 milyard dollar itirib ki, bu da milyarderin ümumi sərvətinin 14%-nə bərabərdir.

QAZİLER.AZ