Finlandiya hökuməti Rusiya ilə sərhəddə vəziyyətin inkişafını izləyir və dekabrın 13-dən gec olmayaraq sərhəd-keçid məntəqələrinin açılmasının məqsədəuyğunluğu barədə qərar qəbul etmək niyyətindədir.

Qaziler.az Rusiya mətbuatına istinadən bildirir ki, bu barədə dekabrın 7-də Finlandiyanın Baş naziri Petteri Orpo məlumat verib.

"Biz vəziyyətin inkişafını hər gün izləməyə davam edirik, məqsəd normal həyata qayıtmaqdır" deyə o,bildirib.

Parlamentdə jurnalistlərin suallarını cavablandıran siyasətçi hazırda bütün sərhəd-keçid məntəqələrinin bağlı olduğunu nəzərə alaraq hansı qərarın veriləcəyi ilə bağlı proqnoz verməyib. Bununla belə, o qeyd edib ki, vaxtında qərar qəbul olunacaq.

"Biz şadıq ki, indi hər şey qaydasındadır"- deyib.

QAZİLER.AZ